Црвена Звезда наскоро ќе ја финишира потрагата по нов тренер, откако влезе во завршна фаза од разговорите со Саша Обрадовиќ. Српскиот стратег како играч имаше извонредна сезона во црвено-белиот дрес, а сега е на добар пат да се врати назад во клубот во улога на шеф на стручниот штаб.
Драган Шакота поради здравствени причини не е во можност да продолжи да ја извршува функцијата, досега се шпекулираше дека главен фаворит е поранешниот тренер Дејан Радоњиќ, но сега Обрадовиќ е во преден план во трката за предводник на „црвено-белите“. Најголемите успеси во тренерската кариера овој стручњак ги имаше како предводник на Алба и на Локомотив Кубан, а последен тренерски ангажман му беше во францускиот прволигаш Монако.
По решавањето на тренерското прашање „црвено-белите“ ќе се насочат кон формирање на играчкиот ростер, за кој најавија дека планираат да вклучат повеќе српски кошаркари во тимот за наредната сезона. Тешко ќе биде да се задржат и дел од најквалитетните странци, ако се знае дека Американецот Браун и Берон веќе добија богати понуди од Панатинаикос.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
