Македонската судиска двојка Ѓорѓи Начевски – Славе Николов е избрана за делење на ракометната правда на претстојното Европско Првенство што во јануари 2018 година ќе се одржи во Хрватска. Од 14-те двојки кои беа во потесниот круг, денеска ЕХФ и официјално ги избра 12-те кои ќе бидат дел од европскиот шампионат, а меѓу нив сосема очекувано се најдоа и нашите арбитри, кои со години наназад важат меѓу најдобрите на Стариот континент.
Еве го списокот на судиите кои ќе бидат задолжени за натпреварите на ЕП 2018 во Хрватска.
- Андреј Гушко и Серхеј Репкин (Белорусија)
- Матија Губина и Борис Милошевиќ (Хрватска)
- Вацлав Корачек и Јиржи Новотни (Чешка)
- Мартин Гјединг и Мадс Хансен (Данска)
- Оскар Ралуј и Анхел Сабросо (Шпанија)
- Стеван Пишон и Лорен Ревере (Франција)
- Ларс Гајпел и Маркус Хелбиг (Германија)
- Ваидас Мазеика и Миндаугас Гателис (Литванија)
- Ѓорѓи Начевски и Славе Николов (Македонија)
- Дуарте Сантош и Рикардо Фонсека (Португалија)
- Сорин Лорентиу Дину и Костантин Дину (Романија)
- Евгениј Зотин и Николај Воолодков (Русија).
Групната фаза од ЕП 2018 ќе се игра во Сплит, Пореч, Загреб и Вараждин. Македонија е дел од групата Ц и ќе настапува во Загреб против селекциите на Германија, Словенија и Црна Гора, а најдобрите три селекции се пласираат во следната рунда што ќе се игра во Вараждин.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
