Менаџерот на Манчестер Сити Пеп Гвардиола, е одбран за најдобар менаџер во Англија на годината од страна на Здружението на менаџери на Лигата (ЛМА). Тој го доби ова признание, откако го одведе Манчестер Сити до нов трофеј во најдобрата англиска лига.
Гвардиола го доведе Сити до петтата титула во шестата година, а неговиот тим има можност за двојна круна во Англија, откако игра финале против Манчестер Јунајтед, а потоа една недела подоцна и финале во Лигата на шампионите против Интер.
„Јас сум во неверојатен клуб и без целата поддршка која ја имав, ова не би било можно“, рече Гвардиола.
Конкуренција на Пеп му беше Артета од Арсенал, Де Зерби од Брајтон, Хоуви од Њукасл, Компани од Барнли и Шумахер од Плимут.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
