Манчестер Сити продолжува со распродажбата на фудбалери доведени од Пеп Гвардиола на кои Енцо Мареска не смета сериозно, па така на излезна врата од „Етихад“ се најде и Нико Гонзалес.
Њукасл ќе биде новиот клуб на Аргентинецот откако „црно-белите“ се согласија да платат 50 милиони фунти за да го донесат поранешниот ас на Порто во своите редови. Њукасл летово ги продаде двајцата клучни играчи за врска, Тонали и Гимараеш, па Гонзалез е доведен со надеж дека ќе биде командант на овој дел од тимот во сезоната што претстои.
Овој фудбалер ја мина младинската школа на Барса, по што се пресели во Порто и важеше за еден од клучните играчи на португалскиот гигант. Тоа беше препорака за Пеп Гвардиола да го доведе пред една и пол година, по тешката повреда на Родри, но Гонзалес не се снајде најдобро во Сити, огромен дел од времеот мина греејќи ја клупата за резерви, што придонесе и самиот фудбалер летово да побара да ги смени клупските бои.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
