Возачот на Гресини, Алекс Маркез, беше успешно опериран во Барселона по несреќата што ја доживеа за време на Големата награда на Каталуња.
Шпанецот претрпе фрактура на седмиот пршлен и скршена клучна коска во грозоморен инцидент за време на шестата трка од сезоната.
Маркез беше опериран во недела вечерта, му беше вметната плоча и ќе биде отпуштен од болница во текот на денот. Што се однесува до фрактурата на пршленот, неговата состојба ќе се следи во наредните денови, па ќе се знае понатамошниот тек на закрепнувањето.
Помладиот од браќата Маркез беше повреден во инцидент што се случи во 12-тиот круг во Каталуња, кога Педро Акоста одеднаш забави поради техничка грешка во 10-тиот свиок, а возачот на Гресини се судри со него. Силата на ударот го испрати моторот на Маркез во воздух и се скрши на парчиња, додека возачот на Гресини продолжи да се тркала по земјата. За среќа, медицинскиот тим успеа брзо да му пружи прва помош.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
