Фудбалскиот репрезентативец на Македонија, Иван Тричковски и официјално го продолжи договорот со кипарскиот АЕК Ларнака на уште две сезони, потврдија од клубот.
„АЕК Ларнака има чест и задоволство да објави дека нашиот лидер Иван Тричковски се одлучи да го продолжи договорот со клубот на уште две сезони“, стои на официјалната страна на кипарскиот клуб.
Тричко дојде во АЕК Ларнака пред четири и пол години. Во овој период тој забележа 163 настапи за клубот од Ларнака на кои постигна 67 гола во лигата, 10 во купот и 20 во Европа со што е прв стрелец во историјата на тимот во европските натпреварувања.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА