Познати се офицјалните состави на Зенит и на Вардар, во пресрет на мечот од петтото коло во групната фаза од Лигата на Европа. Роберто Манчини, според најавите, направи одредени промени во составот и им дава шанса на резервистите, па во нападот ќе бидат Ѕјуба, Ригони и Полоз. Зад нив ќе делуваат Шатов и Нобоа. Го нема Кокорин, кој беше најопасен во Скопје, како и Дриуси, кој е всушност и главниот напаѓач на составот од Санкт Петербург. Во составот не се ниту Ивановиќ, Кришчито, Паредес, Краневитер…
Чедомир Јаневски, стратегот на Вардар, не им верува на репрезентативните дефанзивци Велкоски и Муслиу, туку се определи за искусниот, но и многу побавен стоперски тандем Грнчаров – Новак. Во средниот ред ќе биде и Вања Марковиќ, а во нападот ќе игра Итало, потпомогнат од Барсегјан и Џигаури на крилните позиции. Секако, плејмејкер е Фелипе, на десната бековска позиција е Хамбарџумјан, а на левата ќе игра Демири. На голот е Гачевски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
