Македонскиот репрезентативец Адем Мекиќ, повторно ќе го носи дресот на МЗТ Скопје, откако денеска тој официјално стави потпис на договор кој ќе го задржи во нашиот клуб во следните една и пол сезона.
Ова ќе биде негов трет мандат во сино-белиот табор (по периодите 2014-2017 и 2020-2023). Со скопскиот тим тој веќе има освоено пет шампионски титули и пехари во Купот на Македонија.
„По освојувањето на двојната круна во Хрватска со Задар и со огромно меѓународно искуство зад себе, Адем се враќа во Аеродром за да донесе цврстина, енергија и победнички менталитет во битките кои ни претстојат на домашната и регионалната сцена. Добредојде назад во Аеродром, Адем!“, стои во соопштението на МЗТ Скопје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
