По првото полувреме на реваншот помеѓу Интер и Милан нема голови. Голманите на двата тима, Онана и Мањан се во главна улога, откако одбранија тешки удари.
Особено Онана е спасителот на Интер откако му одбрани „зицер“ шанса на Дијаз. Шпанецот од 10-11 метри шутираше, но кога сите ја видоа топката во голот, Камерунецот се испречи и спречи водство на Милан.
Следуваше и шансата на Леао, а топката профуче крај дирекот.
На другата страна пред самиот крај на полувремето, Интер можеше да стави печат на пласманот во финалето во ЛШ со погодок во мрежата на Милан. Сепак, Мањан спасуваше по обидот на Џеко, кој по центарштутот на Чалханоглу одлично ја зафати топката.
Се игра отворено од двете страни, и се очекуваат голови во вториот дел. Милан мора да тргне поризично за да даде гол, во спротивно вака е блиску до елиминација.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
