Осака го отпушти тренерот – Време е за промени

Двократната грен-слем шампионка, Наоми Осака ја прекина соработката со тренерот Џермејн Џенкинс. Јапонката изјави дека чуствува дека е време за промена.

„Сакам да ве известам дека Џеј и ја веќе нема да соработуваме. Многу сум благодарна на времето кое го поминавме заедно и на сето тоа што го научив од него на теренот, но и надвор од него. Благодарам на се, ми беше задоволство“, напиша Осака. 

Инаку, Осака и Џенкинс соработката ја почнаа годинава во февруари месец, откако Јапонката по двата освоени грен-слема ја прекина соработката со Саша Бајин.

Се вчитува...