Кошаркарскиот турнир на ОИ во Токио донесе големи возбудувања, фантастични натпревари и на крајот заврши со очекувано злато на американските кошаркари. Најзаслужен за овој успех беше Кевин Дурант, кој апсолутно заслужено ја доби и МВП наградата за најкорисен играч во Токио.
Воедно, Дурант е предводник и на идеалната петорка на ова натпреварување, во која асот на Бруклин е единствен претставник на шампионската селекција. Крај него се наоѓа и словенечката суперѕвезда, Лука Дончиќ, потоа францускиот центар Руди Гобер, австралискиот плејмејкер Пети Милс, како и Шпанецот Рики Рубио, кој имаше фантастичен просек од 25,5 поени и шест асистенции по натпревар.
За потсетување, САД во големото финале ја совлада Франција, додека бронзениот медал заврши на градите на кошаркарите на Австралија, кои беа подобри од Словенија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
