Долгата пауза поради пандемијата на коронавирусот носи дополнителни проблеми и опасност од повреди. Аргентинскиот интернационалец Диего Пероти настрада на еден од индивидуалните тренинзи што се одвиваат во кампот на Рома. Тој го истегна бутниот мускул на левата нога и ќе мора да паузира најмалку три седмици.
„Секако ќе се соочуваме и со вакви проблеми. Тренинзите во домашна изолација се нешто сосема друго од комплетен тренинг во базата. Фудбалерите имаа предолга пауза и сега ќе мора да се бориме и против повредите“, изјави тренерот на „волчицата“, Пауло Фонсека.
Рома поради пандемијата со коронавирусот се наоѓа и во големи финансиски проблеми. Американскиот сопственик Џејмс Палота размислува и за продажба на клубот, а интерес постои од саудискиот принц Мохамед бин Салман, кој има обид да го купи и англискиот премиерлигаш Њукасл, но никако не може да ја комплетира зделката вредна 300 милиони фунти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА