Фудбалерите на Барселона, Педри и Френки де Јонг, најверојатно ќе се вратат во тимот за првиот четвртфинален натпревар од Лигата на шампионите против Пари Сен Жермен.
Педри и Де Јонг се повредија на натпреварот против Атлетик Билбао (0-0) во шпанското првенство, но се опоравија и би можеле да бидат во тимот за дуелот во Париз, објави Мундо Депортиво.
Според информациите, Педри веќе почнал сам да тренира, а Де Јонг се уште е на рехабилитација, но наскоро ќе започне и со тренинзи. Лекарскиот тим на Барселона е уверен дека тој ќе биде подготвен за првиот натпревар. Првиот натпревар од четвртфиналето на Лигата на шампионите меѓу Пари Сен Жермен и Барселона ќе се одигра на 10. април од 21 часот во Париз.
Андреас Кристенсен и Роналд Араухо имаат проблеми со повреди на мускулот и најверојатно поради претпазливост ќе го пропуштат претстојниот првенствен натпревар на Барселона против Лас Палмас.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
