Килијан Мбапе се очекува престојното лето да го реализира долгоочекуваниот трансфер во Реал Мадрид. Договорот на францускиот репрезентативец со ПСЖ истекува, а овој пат еден од најдобрите фудбалери на денешницата веќе му соопшти на францускиот првак дека нема намера да ја продолжи соработката.
Преминот на 25-годишникот во Реал Мадрид се очекува да биде кобно по некој од фудбалерите, а според шпанските медиуми „жртвата“ ќе ја снеси Родриго.
Младиот Бразилец ќе ја загуби минутажата, а со цел да нема незадоволен играч во соблекувалната претседателот на Реал Мадрид, Флорентино Перез ќе дозволи негово заминување. Агентот на Родриго и Перез веќе се сретнале и разговарале за „зелено светло“ за трансфер, но истиот нема да биде помал од 120 милиони евра.
За услугите на 23-годишникот кој оваа сезона настапи на 40 натпревари во сите конкуренции, а постигна 13 погодоци и запиша осум асистенции се заинтересирани повеќе европски гиганти меѓу кои и ПСЖ, Манчестер Јунајтед и Челси.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА