Перез: Никој друг освен Јувентус не го сакаше Роналдо!

Првиот човек на Реал Мадрид, Флорентино Перез долго време не се огласуваше во јавноста по прашањето на продажбата на Кристијано Роналдо во Јувентус, но сега одлучи да проговори.

„Тоа беше негова одлука и јасно, кога е така, тогаш се потрудивме да извлечеме најмногу од неговата продажба. Зедовме 100 милиони евра, колку што го плативме во 2009 година. И, тоа е најголемиот трансфер во историјата на Реал, кога е во прашање продажбата на фудбалери“ – рече Перез.

Признава дека „кралскиот клуб“ воопшто не добил други понуди… Единствено Јувентус го посакувал Португалецот.

„Да имавме и некои други понуди можеби и цената ќе беше поголема. Но, освен Јувентус буквално ниту еден друг клуб не покажа интерес да го купи Роналдо“ – вели Перез.

Се вчитува...