Францускиот прволигаш Сент Етјен објави дека двајца фудбалери и тројца вработени во клубот се позитивни на коронавирус. Сите се наоѓаат во домашна изолација, а останатите продолжуваат со подготовките за новата сезона.
Тестирани се вкупно 30 фудбалери, 21 член на стручниот штаб и 38 вработени во клубот. Од клубот истакнуваат дека сите биле во карантин што значи дека немале контакт со останатите членови на тимот.
Француската лига беше меѓу првите кои објави крај поради пандемијата од Ковид-19, а новата сезона се планира да почне на 23. август. Сепак, поради целата ситуација со пандемијата се уште овој датум не е наведен како конечен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
