Андреа Пирло си го зачува, засега, тренерското столче во Јувентус откако ја доби дерби-пресметката со Наполи во Серија А. „Старата дама“ триумфираше со 2-1 во натпревар во кој македонскиот репрезентативец Елиф Елмас ги одигра последните 15 минути за „наполитанците“.
Јувентус до предност дојде со голот на Кристијано Роналдо уште во 13. минута…
Дибала постигна прекрасен погодок во 73. минута најавувајќи ја победата на својот тим.
Наполи успеа само да ублажи поразот со голот на Инсиње од пенал во 89. минута. Елиф Елмас во игра влезе во 76. минута на местото на Мертенс.
И Интер си ја чува предноста на врвот во Серија А, откако со 2-1 славеше против Сасуоло. Стрелци на головите за „нераѕурите“ беа Лукаку во 10. минута и Мартинез во 67. минута.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
