Ливерпул до крајот на преодниот рок ќе се обиде да го доведе Ив Босума, пренесуваат англиските медиуми. „Црвените“ сакаат да стигнат до ново засилување во средината на теренот, а изборот падна на малискиот репрезентативец.
Дваесетичетири годишниот Босума од 2018 година е дел од Брајтон каде импресираше со неговите настапи. Единствениот проблем кој се јавува во овој погед е преголемата сума која овој клуб ја бара за услугите на Малиецот, а таа е 45 милиони евра.
Како потсетување, Брајтон ова лето веќе заработи 50 милиони евра од трансферот на Бен Вајт во Арсенал, а доколку замине и 24-годишникот, премиерлигашот ќе заработи огромна сума која се очекува да биде вложена во зимскиот трансфер рок.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
