Норвешката полиција објави дека поднела пријава за семејно насилство против Ѓерт Ингебригстен, таткото и поранешен тренер на атлетичарот Јакоб Ингебригстен, олимпискиот шампион во трката на 1.500 метри.
Јакоб Ингебригстен и неговите двајца браќа, кои исто така се спортисти, Хенрик и Филип, го обвинија својот татко за семејно насилство во октомври минатата година.
„Пораснавме со многу агресивен и авторитарен татко, кој користеше физичко насилство и закани како дел од неговото воспитување. Секогаш чувствувавме нелагодност и страв“, изјавија браќата Ингебригстен.
Полицијата преку соопштение за медиумите соопшти дека одлучила да поднесе пријава против Ѓерт Ингебригстен за случајот на малтретирање, а медиумите објавија дека не се работи за тројцата спортисти туку за нивниот помал брат.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА