Комисијата за натпревари на Фудбалската федерација на Македонија, поради засилувањето на антиковид-мерките од страна на Владата и воведување на полициски час на територијата на цела држава со почеток од 20 до 05 часот наутро, донесе промена во термините на одигрување на натпреварите на домашната сцена.
Сите натпревари во сениорска конкуренција од Прва МФЛ, Втора МФЛ Исток и Запад и Куп на Р.Македонија во периодот на траење на полицискиот час ќе започнуваат од 13 часот.
Први кои ќе се играат од 13 часот се веќе во среда (7. април) полуфиналните натпревари од Купот на Македонија, Струга ТЛ – Силекс и Македонија ЃП – Академија Пандев.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА