И 2024 година нема да помине без „сапуницата“ за премин на Килијан Мбапе од редовите на ПСЖ во Реал Мадрид. Французинот не крие дека е фан на овој славен шпански клуб, но во изминатите години не успеаваше да реализира трансфер во Мадрид.
Договорот на младиот голгетер со францускиот шампион завршува на крајот на сезоната по што ќе биде слободен да ја одбере новата средина, а за тоа дали тоа ќе биде Реал Мадрид има време да одговори во првите недели од месец јануари, пренесуваат шпанските медиуми.
Мбапе и раководството на Реал Мадрид веќе имале позитивни преговори пред месец дена на кои му била понуда годишна плата од 130 милиони евра, услови кои тој ги прифатил, но добил и опомена дека доколку овој пат не се одлучи за Реал Мадрид, „кралските“ врати за него ќе бидат засекогаш затворени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
