Европската ракометна федерација ги одреди квалификациските групи за континенталниот шампионат во 2022 година на кој заедно со Црна Гора и Словенија, домаќин ќе биде Македонија.
Најинтересна се очекува да биде групата 2 во која се наоѓаат Данска, Романија, Австрија и победникот од претквалификациската група 3. Интересно се очекува да биде и во групата 5 во која се Шпанија, Унгарија, Словачка и победникот од претквалификациската група 5. Србија се наоѓа во групата 6 заедно со Шведска, Исланд и Турција, додека Хрватска е во групата 4 со Франција, Чешка и Украина.
Најдобрите две репрезентации од сите групи ќе им се придружат на Македонија, Словенија, Црна Гора кои се домаќини како и Норвешка како актуелен шампион на завршниот турнир кој ќе се игра во периодот од 6. до 20. ноември 2022 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
