Членовите на Премиер-лигата одржаа состанок на кој одлучија натпреварувањето да биде завршено, но само кога за тоа ќе се створат услови.
Од Премиер-лигата појаснија дека се во постојан контакт со британската Влада и останатите служби кои работат во спречување на пандемијата. Исто така побарано е сите клубови да ја намалат платата на своите фудбалери за 30 отсто.
„Премиер лигата ќе продолжи, но само кога ќе се среди ситуацијата со пандемијата од Ковид-19. Ние сме во контакт со сите кои што се грижат за здравјето на фудбалерите, навивачите и членовите на клубот. Во моментов најважно е здравјето на луѓето“, стои во соопштението.
Иако не се знае кога ќе биде продолжението, од Премиер-лигата веруваат дека сезоната ќе успее да биде завршена.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
