Клучниот состанок за продолжување на сезоната во Премиер-лигата ќе биде најрано следниот понеделник. Состанокот на кој клубовите требаше да гласаат за „Проектот Рестарт“ требаше да биде в петок бидејќи за в четврток беше предвидено премиерот Борис Џонсон да го соопшти евентуалното олабавување на мерките кои се на сила во Велика Британија за борба со коронавирусот.
Бидејќи Џонсон ги одложил и консултациите со надлежните институции за в недела ги принуди шефовите на Премиер-лигата да го одложат и состанокот од кој има големи очекувања. Потребни се 14 гласа „за“ и сезоната ќе биде продолжена, најверојатниот датум е 12 јуни.
Иако носењето на одлуката за продолжување на сезоната е пролонгирано, сепак се очекува ова да нема влијание на предвидениот датум за враќањето на фудбалот во Англија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
