Премиер-лигата и владата на Британија постигнале начелен договор сезоната да продолжи на почетокот од јуни. Иако државата се наоѓа на среде криза поради пандемијата на коронавирусот, а премиерот Борис Џонсон е во болница поради тоа што е дел од илјадниците заразени, сепак постои договор дека фудбал ќе може да се игра по само осум недели.
Предводниците на Премиер-лигата и властите направиле план за продолжување на сезоната во јуни, но без можност на натпреварите да има гледачи. Затоа се преговарало натпреварите од остататокот од сезоната да бидат пренесувани и на слободните телевизии. Во моментов „Скај“ и „БТ“ ги имаат правата за дел од преостанатите средби, но тие нема да можат да ги емитуваат сите дуели и затоа ќе се бара алтернативно решение и преку други ТВ канали. Идејата е буквално сите натпревари да бидат емитувани на телевизија и затоа е крената и забраната за фудбал на ТВ во сабота во 16 часот.
Во меѓувреме во Англија траат преговорите околу евентуалното намалување на платите на фудбалерите, но засега нема никаква согласност меѓу сопствениците и Асоцијацијата на играчи. Дел од клубовите вклучувајќи го и Ливерпул ги испратија вработените дома. Засега само Манчестер Сити објави дека нема да намалува плати на неиграчкиот кадар.
EXCLUSIVE: Premier League in advanced talks with Government over football return in June behind closed doors | @MaddockMirror https://t.co/abZnuyG7IL pic.twitter.com/9jEoofC7De
— Mirror Football (@MirrorFootball) April 5, 2020
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА