Премиерлигата одлучи „титулата“ за најдобар играч на сезоната ја додели на Кевин Де Брујне од Манчестер Сити. Сезоната во Англија ќе заврши утре, Сити ќе ја пречекаат Астон Вила и со победа ќе ја обезбедат титулата.
Белгиецот го повтори успехот од сезоната 2019/20 и така им се придружи на Тиери Анри, Кристијано Роналдо и Немања Видиќ во друштво на играчи кои неколкупати ја освојуваа наградата.
Одлуката за најдобриот во натпреварувачката сезона беше донесена со собирање гласови од јавноста, капитените на сите Премиерлигаши и група избрани фудбалски стручњаци.
Де Брујне наградата ја доби во конкуренција на Трент Александар-Арнолд (Ливерпул), Џерод Бовен (Вест Хем) , Жоао Кансело (Манчестер сити), Букајо Сака (Арсенал), Мохамед Салах (Ливерпул), Сон Хјунг Мин (Тотенхем и Џејмс Вард Праус (Саутемптон).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
