Хрватскиот репрезентативец Лука Модриќ на почетокот на сезоната 2023/24 ја продолжи соработката со шпанскиот клуб до крајот на сезоната по што се очекуваше и конечно да замине од клубот на 38-годишна возраст. Гласините го преселија во Саудиска Арабија и Ал Наср каде повторно требаше да соработува со Кристијано Роналдо, но инсајдерот за „кралскиот“ клуб, Хозе Дијаз тврди спротивно.
Според новинарот на популарната „Марка“ Модриќ ќе остане во Реал Мадрид и по крајот на сезоната. И покрај тоа што годините беа проблем за „кралскиот“ клуб, преискусниот Хрват оваа сезона со добрата игра докажа дека тие се само број, а дека се уште има што да му понуди на клубот.
Покрај добрите настапи, Реал Мадрид во него гледа и менторска улога за „новата генерација“ па славниот шпански клуб не е сака да го загуби. Сепак последната одлука ќе ја има самиот Модриќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
