Претседателот на Јужна Кореја, Ли Џе-Mјунг, остро го критикуваше и навреди селекторот на националната фудбалска репрезентација, Хонг Мјунг-Бо, по елиминацијата на репрезентацијата од Светското првенство 2026.
Јужна Кореја не успеа да се квалификува во нокаут-фазата откако загуби со 1-0 од Јужна Африка во третото коло од групната фаза, со што ја заврши својата кампања на Мундијалот.
Реагирајќи на неуспехот на репрезентацијата, Ли Џе-Мјунг ја припиша одговорноста за испаѓањето на селекторот и начинот на кој беше избран на таа позиција.
„Не сум само збунет од овој неочекуван резултат, туку и зачуден. На крајот на краиштата, изреката „изборот на народот е почеток на сè“ повторно се потврди во пракса. Кога сојузниците се вреднуваат повеќе од компетентноста и ако некомпетентна личност е избрана за командант, се знае каков ќе биде резултатот“, рече јужнокорејскиот претседател.
Тој додаде дека изборот на селекторите бил погрешен и ги обвини оние што се одговорни за назначувањето дека не обезбедиле соодветен надзор и одговорност.
„Невнимателниот избор на селекторите, кој не прави разлика помеѓу јавното и приватното и го дава приоритет на личниот интерес, произлегува од неможноста да се следат, надгледуваат и да се повикуваат на одговорност оние кои имаат моќ да назначуваат и именуваат селектор на националните тимови“, рече Ли Џе-Мјунг.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
