Претседателот на Борусија Дортмунд, Ханс-Јоаким Вацке, најави дека претставниците на клубот ќе разговараат со Ерлинг Халанд и неговиот татко за продолжување на соработката.
Мино Рајола и Алф-Инге Холанд во четвртокот остварија средби со челниците на Барселона и Реал Мадрид, а беше најавено дека во наредните недели ќе разговараат со други клубови заинтересирани за младиот норвешки фудбалер.
„Ќе разговараме со Ерлинг, неговиот татко и Мина Рајола. Ние сакаме тој да биде среќен што останува, да постигне уште повеќе голови за Борусија следната сезона. Немаме алтернативен план“, рече Вацке.
Вацке даде и свој одговор за тоа дали Џејдон Санчо ќе остане во тимот следната сезона.
„Не сакам да зборувам предвреме. Санчо беше со нас многу подолго од Ерлинг. Ќе имаме разговор и со него. Ако добиеме неверојатна понуда, ќе разговараме со играчот и агентот, како и секогаш“, заклучи претседателот на Дортмунд.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА