Поради епидемијата од коронавирус најсилната кошаркарска лига на светот, НБА одлучи да воведе превентивни мерки. Мерките кои на сила влегоа во понеделник подразбираат дека на новинарите им е забранет пристап во соблекувалните на тимовите.
„По консултација со стручните лица за заразни болести кои се грижат за јавното здравје и поради проблемите кои можат да бидат поврзани со близок контакт на две лица, сите соблекувални и клупски простории ќе бидат отворени само за кошаркарите и вработените во нивните клубови. Медиумите ќе можат да разговараат со нив на други локации. И понатаму внимателно ќе ја пратиме ситуацијата и ќе преземеме неопходни чекори како би можеле да осигураме безбедно опкружување за сите“, се наведува во соопштението.
Истите мерки на внимателност се воведени и во останатите три професионални спортски лиги во САД. За потсетување поради коронавирусот откажан е и тенискиот Мастерс во Индијан Велс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА