Фудбалерите на Струга ТЛ ремизираа на пријателскиот натпревар со данскиот второлигаш Хелсингор за време на подготовките во Анталија, Турција.
Стружани одиграа без победник (2-2) и покрај тоа што на двапати имаа предност против Данците уште во првото полувреме со головите на Бесарт Ибраими и Христијан Малески. Но противникот со голот на Моуритсен во 51. минута успеа да избегне пораз за конечни 2-2.
Екипата на Скопје, пак, ремизираше (1-1) со тимот на Локомотива. Стрелец на единствениот гол за Скопје беше младинскиот репрезентативец, Леон Игњатов.
ПОРАЗ НА ТЕТЕКС ОД АРСИМИ
Второлигашот Тетекс, пак, загуби со 1-2 на пријателскиот натпревар од Арсими. Стрелец на единствениот гол за „штофарите“ беше Емил Скоко. Следен тест-дуел за Тетекс е против Вардар во сабота (4. февруари).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
