Македонската кошаркарска репрезентација се соочува со проблеми во пресрет на стартот од квалификацискиот циклус откако центарот Љубомир Младеновски отпадна од комбинација за дуелот со Шпанија.
Стомачен вирус е причината за отсуството на Младеновски, кој веќе имал разговор за селекторот, се понудил да настапи без воопшто да тренира до мечот, но Бајиќ пресекол дека е најдобро тој да остане дома и да се рехабилитира, меѓу другото и за да се заштити остатокот од екипата од евентуално ширење на вирусот.
„Имам стомачен вирус и сериозни проблеми за нормален тренажен процес. Разговарав со селекторот и му се ставив на расолагање макар и со еден тренинг да помогнам против Шпанија. Сепак, за да ги заштитам соиграчите од вирусот селекторот препорача да мирувам и целосно да закрепнам. Доколку има и најмала можност да играм за мојата репрезентација, не би двоумел и би го облекол дресот со државниот грб“, изјави Младеновски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
