Во Барселона владее хаос откако Шпанскиот Суд вчера донесе пресуда против организаторите на изборите за независност на Каталонија, осудувајќи ги на повеќегодишни затвориски казни.
Во текот на вчерашниот ден беа одржани протести на повеќе фреквентни места низ градот, а над илјада луѓе се собраа и пред аеродромот „Ел Прат“, по што беа откажани над сто летови од и кон каталонската престолнина.
Во целиот хаос „настрада“ и Иван Ракитиќ, кој слета во Барселона непосредно пред да почнат протестите, но потоа не можеше да го земе својот автомобил и да си замине од „Ел Прат“. На крајот, фудбалерот на Барса беше принуден да пешачи од аеродромот, а на социјалните мрежи веднаш се појавија фотографии од Ракитиќ како го напушта „Ел Прат“.
? Ivan Rakitic (@ivanrakitic) uno de los afectados por las movilizaciones en el aeropuerto de Barcelona tras la #SentenciaProces
? @PREC96 pic.twitter.com/nLrV0fPGja
— El Partidazo de COPE (@partidazocope) October 14, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА