Селекторот на македонската репрезентација, Драган Бајиќ, го објави поширокиот список од 24 кошаркари кои ќе бидат во комбинација за настап на претстојниот квалификациски двомеч против Грузија.
Дури десет кошаркари на МЗТ се наоѓаат на овој список на селекторот, од нив шест на првиот тим на „металците“. За првпат под водство на Бајиќ се очекува да заигра Војдан Стојаноски, а останува да се види дали во националниот тим ќе се врати и Дамјан Стојановски, кој по последните квалификации најави повлекување.
Покрај нив, селекторот на поширокиот список смести и четири кошаркари на МЗТ Скопје 2, и тоа Андоноски, Дарио Митевски, Исајлоски и Максим Митевски.
Бајиќ барем на хартија смета и на „Американците“ Јакимовски и Савичевиќ, кои се дел од НЦАА-лигата и тешко дека ќе допатуваат преку Атлантикот за овој двомеч.
Останува да се види дали против Грузија ќе настапи Ненад Димитријевиќ, најдобриот македонски кошаркар во моментов кој не се појави на претходните два собири откако Бајиќ е селектор.
ПОШИРОК СПИСОК НА 24. КОШАРКАРИ ЗА ФИБА „ПРОЗОРЕЦОТ“ ВО ФЕВРУАРИ 2022 ГОДИНА
Бојан Крстевски (МЗТ Скопје Аеродром)
Кристијан Николов (МЗТ Скопје Аеродром)
Дамјан Робев (МЗТ Скопје Аеродром)
Адем Мекиќ (МЗТ Скопје Аеродром)
Дамјан Стојановски (МЗТ Скопје Аеродром)
Војдан Стојановски (МЗТ Скопје Аеродром)
Андреј Андоноски (МЗТ Скопје Уни Банка)
Виктор Исајлоски (МЗТ Скопје Уни Банка)
Дарио Митевски (МЗТ Скопје Уни Банка)
Максим Митевски (МЗТ Скопје Уни Банка)
Бобан Стајиќ (Пелистер)
Стојан Ѓуроски (Пелистер)
Виктор Ефремовски (Гостивар)
Андреј Маслинко (ТФТ)
Андреј Митревски (Феникс 2010)
Амар Хот (Феникс 2010)
Павел Данаиловски (Работнички)
Валмир Какруки (Работнички)
Андреј Магдевски (АСУ Плоешти-Романија)
Ненад Димитријевиќ (Валенсија-Шпанија)
Теодор Симиќ (Барселона-Шпанија)
Џејкоб Вајли (Реал Бетис-Шпанија)
Лука Савиќевиќ (Источен Мичиген-САД)
Андреј Јакимовски (Вашингтон Стејт-САД)
Селектор: Драган Бајиќ
Асистент: Александар Јончевски
Асистент: Адмир Прасовиќ
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
