Астон Вила и Евертон денеска го отворија второто коло од англиската Премиерлига, а фудбалерите на Стивен Џерард на овој втор меч од новата сезона успеаа да ги запишат првите три бода на табелата откако славеа на домашен терен со 2-1.
Во првото полувреме контролата на топката припаѓаше на домаќаните, кои беа по конкретни кон голот на Евертон. Ваквиот пристап кон играта го круниса Дени Ингс, кој по еден брз контра напад постигна гол за водство во 31. минута. Со минимален резутлат од 1-0, се замина на пауза.
Во вториот дел избраниците на Џерард покажаа уште подобра игра. Постојано доминираа и често проигруваа високо на противничкиот шеснаесетник, а пред крајот на мечот зголемија и на 2-0, гол кој беше запишан зад името на Емилијано Буендија во 86. минута. Сепак, тогаш кога се чинеше дека ова е гол за лесна победа, за неполна минута фудбалерите на Астон Вила намалија на 2-1, благодарение на автоголот на Лукас Дињ. До последната минута притисокот на теренот растеше, а гостите имаа уште неколку сериозни шанси за гол и реми, но не ги искористија.
Астон Вила ја обезбеди првата победа и запиша деби три бода, Евертон останува на нула.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
