Работнички по неколку години пауза се враќа на европската кошаркарска сцена, откако најтрофејниот македонски клуб се пријави да учествува во ФИБА Европа купот.
Ждрепката за квалификациските турнири е закажана за утре, а „центарци“ денеска добија одлична вест откако од ФИБА Европа беа избрани за домаќини на турнирот во кој ќе учествуваат.
КК Работнички е еден од седумте клубови кои ќе ја имаат улогата на домаќини заедно со: Кервнос (Кипар), Парну (Естонија), Катаја (Финска), Егис Корменд (Унгарија), Јамтланд (Шведска) и Маниса (Турција).
Квалификациските турнири ќе се одржат во периодот од 2 до 5 октомври. Покрај Работнички, дел од квалификациите за ФИБА Европа купот ќе биде и тимот на Феникс, за кого ова ќе биде деби во европските натпреварувања.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
