Црна Гора пријатно изненади на стартот од мундијалот за жени, откако во дербито на првото коло оваа селекција ја декласираше Данска со убедливи 31-24. Иако се очекуваше овој меч да го одбележи неизвесност, Црногорките за помалку од десет минути стигнаа до „плус пет“ (6-1, па 7-2), по што целосно го контролираа натпреварот до самиот крај. Во еден момент разликата изнесуваше десет гола (29-19), за Данките во самиот финиш само малку да го подобрат своето очајно издание. Јованка Радичевиќ беше фантастична со 12 погодоци на овој натпревар, а Црна Гора утре ја очекува нов предизвик, дуел со селекцијата на Русија.
Шампионот Норвешка очекувано лесно и убедливо ја совлада Унгарија со 30-22, меч во кој бранителот на трофејот целосно доминираше и рутински ги прокнижи првите бодови на шампионатот.
Лесна победа забележа и Шпанија, која триумфираше над Ангола со 28-24.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
