Додека македонските клубови мака мачат со израелските претставници во БИБЛ лигата, македонскиот стратег Емил Рајковиќ и неговиот Автодор Саратов го наполнија кошот на минатогодишниот БИБЛ-лигаш, Гилбоа Галил сред Израел во шестото коло од ФИБА Еврокупот (71-100).
Рускиот состав победата ја најави уште по воведните десет минути кои ги доби со 18-27, а предноста на полувремето се искачи на 31-57. Домаќините успеаја во третата четвртина да ја намат негативата на 22 поени (57-79), а и покрај тоа што беа решение дилемите за победник, Автодор продолжи со доминатната игра и во последната четвртина во која беше стигната и границата од сто постигнати поени.
Со овој триумф составот на Емил Рајковиќ го потврди првото место во групата „Д“ со скор од пет победи и само еден пораз.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА