Голманот на саудискиот Ал-Итихад, Предраг Рајковиќ, одлучи да ја заврши репрезентативната кариера и повеќе нема да биде дел од селекцијата на Србија.
Засега ниту Рајковиќ, ниту фудбалската федерација на Србија , не ја потврдија официјално веста, „Спорт клуб“ објави дека голманот донел конечна одлука и повеќе нема да се јавува на повиците на селекторот Вељко Пауновиќ.
Рајковиќ во март бранеше само едно полувреме против Шпанија, а потоа со враќањето по повредата на Вања Милинковиќ-Савиќ, тој го загуби местото во националниот тим на Србија.
Предраг Рајковиќ за репрезентацијата на Србија настапи на 44 натпревари, а двапати беше и капитен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
