Иван Ракитиќ имал температура од 39 степени помалку од 24 часа пред полуфиналниот натпревар со Англија, но асот на Барселона успеа да се опорави за да настапи и да биде еден од клучните играчи во историската победа.
„Бев болен, температурата ме остави без енергија, само лежев и се молев да имам сила да играм против Англија. Немаше шанса да го пропуштам тој важен натпревар, лекарите го одработеа својот дел од задачата и се појавив на теренот“ – изјави Ракитиќ.
Со тој настап, фудбалерот на Барса стигна до неверојатни 70 натпревари одиграни во сезоната 2017/2018. Ракитиќ одигра 55 меча за Барселона и 15 за Хрватска, израмнувајќи го рекордот на Бразилецот Вилијан. Со финалето в недела Ракитиќ ќе стигне до бројката од 71 натпревар, со што ќе биде и светски рекордер за одиграни средби во една натпреварувачка сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
