Сагата за следната дестинација на Расел Вестбрук конечно заврши. Тимот од Тексас ја проследи суперѕвездата во редовите на Вашингтон од каде во спротивната дестинација замина Џон Вол. Покрај бекот, Хјустон доби и заштитен пик од првата рунда на драфтот цо 2023 година.
Оваа размена би требало да ги задоволи и двајцата кошаркари кои во претсезоната инсистираа на заминување од Рокетс, односно Визардс. Расел Вестбрук повторно ќе соработува со Скот Брукс, кој му беше тренер во Оклахома седум години, додека пак Џон Вол по долгата пауза, која трае уште од декември 2018 година, ќе се врати на паркетот во друг дрес.
Breaking: Houston has agreed to trade Russell Westbrook to Washington for John Wall and a first-round pick, sources tell @wojespn. pic.twitter.com/sQNIFwBKPG
— SportsCenter (@SportsCenter) December 3, 2020
Претходната сезона Вестбрук бележеше просек од 27.2 поени, 7.9 скока и 7.0 асистенции по натпревар, додека во последната сезона Вол како предводник на Вашингтон бележеше 20.7 поени, 3.6 скока и 8.7 асистенции по натпревар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
