По веста дека во акција на шпанската полиција уапсени се седум лица поврзани со перење пари поврзани со договорот за шпанскиот Суперкуп што се игра во Саудиска Арабија, пристигнува и веста дека е распишана потерница за тогашниот претседателот на Шпанската фудбалска федерација, Луис Рубиjалес.
Проблемите за Рубиjалес само се натрупуваат и се натрупуваат еден врз друг, а како што е познато дека моментално е надвор од државата, Обвинителството распиша потерница и распиша налог за негово апсење. Рубиjалес моментално се наоѓа во Доминиканската Република, а полицијата денеска изврши претрес во неговата куќа во Гранада во рамки на операцијата што ја спроведоа.
Договорот меѓу Шпанската фудбалска асоцијација и Саудиска Арабија, според кој шпанскиот Суперкуп ќе се игра во земјата, е под истрага од 2022 година, а судот Махадахонда, кој е надлежен за случајот, во средата нареди акција што доведе до седум апсења. Полицијата ја спроведе операцијата на стадионите во Севилја и Гранада, барајќи докази за корупција и перење пари во последните пет години.
Посредник во преговорите и реализацијата на работата беше компанијата „Космос“ со која раководи поранешниот репрезентативец на Барселона и шпански репрезентативец Жерар Пике.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
