ЕКИПА на ЕП во Хрватска,
Билјана Б. Петрушева, Стеван Цаневски, Игор Паневски
Македонскиот селектор Раул Гонзалес гледа на Германија како на еден од главните фаворити за титулата, но и најавува дека нашите ракометари ќе сторат се што можат за да го земат скалпот и на актуелниот европски првак.
„Пред се сакам да им честитам на моите играчи што играа со срце и заслужено стигнаа до овие две победи. Вчерашниот натпревар беше многу, многу тежок, знам дека сите очекувавте да биде лесно, но против себе имавме квалитетен тим. Мое мислење е дека Германија ќе игра најмалку полуфинале, тоа е исклучително силен тим, ние треба да веруваме во себе. Ќе биде многу тешко, но ќе сториме се за да дојдеме до позитивен резултат“ – изјави Раул Гонзалес.
Добра вест за селекторот е што Филип Миркуловски ги надмина проблемите и сигурно ќе настапи на утрешниот дуел.
„Миркуловски е супер, очекувам да игра со Германија“ – краток е македонскиот селектор.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
