Групната фаза од Евробаскетот донесе голем број на интересни средби по кои фаворитите се најдоа во разигрувањето за медал. Убедливо најдобри во првата фаза од натпреварувањето беа репрезентациите на Србија и Грција кои завршија со перфектен учиник во своите групи.
Најинтересно беше во „групата на смртта“ каде Босна и Херцеговина во последниот меч против Литванија одлучуваше за место во осминафиналето, но таму ќе се натпреварува балтичката земја. Со тоа беше испуштена прилика сите поранешни југословенски држави кои учествуваат на првенството да се најдат во „победничката фаза“.
Осминафиналето ни носи нови осум фантастични дуели во кои овој никој нема право на грешка. Првите средби ќе бидат одиграни на 10.09, а во нив силите ќе си ги одмерат Турција и Франција, Словенија и Белгија, Германија и Црна Гора и Шпанија и Литванија, а сите патници во четвртфиналето ќе ги дознаеме в недела по мечевите на Финска и Хрватска, Грција и Чешка, Србија и Италија, и Украина и Полска.
Доколку фаворизираните Србија и Словенија ги минат осминафиналната и четвртфиналната пречка реприза од минатогодишното финале ќе имаме во полуфиналето.
𝐅𝐫𝐨𝐦 𝐧𝐨𝐰 𝐨𝐧 𝐢𝐭’𝐬 𝐰𝐢𝐧 𝐨𝐫 𝐠𝐨 𝐡𝐨𝐦𝐞.
Who you got in the Round Of 16?#EuroBasket x #BringTheNoise pic.twitter.com/Ktpc1wQNeb
— #EuroBasket 2022 (@EuroBasket) September 8, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
