Шпанскиот гигант Реал Мадрид тргна во голема трансферна револуција откако минатата сезона не освои ниту еден трофеј. „Кралевите“ веќе купија неколку големи засилувања, Еден Азар, Лука Јовиќ, Милитао, Родриго, а планираат да купат уште еден одличен играч за врска, Пол Погба или Кристијан Ериксен. Веќе се потрошени околу 250 милиони евра, а голем дел од нив ќе мора и да се вратат со продажба на фудбалери.
На „Сантијаго Бернабеу“ дефинитивно падна одлука да се продаде и Герет Бејл. Велшанецот имаше многу лоша сезона, се мачеше со повреди, па иако тој сака да остане во Мадрид, сепак доби порака од клубот дека најдобро е да пронајде нова средина. Од него се очекува Реал Мадрид да инкасира околу 100 милиони евра. Покрај Бејл, на продажба се и Матео Ковачиќ, Хамес Родригез, кои минатата сезона играа на позајмица, но и Лукас Васкез, Маркос Љоренте, Маријано Дијаз, Дани Себалјос и Борха Мајорал.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
