Шпанскиот гигант Реал Мадрид тргнува во финална акција за ангажман на суперталентираниот француски фудбалер Едуардо Камавинга. Раководството на „кралскиот клуб“ подготви понуда од 60 милиони евра за 17-годишниот фудбалер на Рен кој е голема желба на тренерот Зинедин Зидан. Претседателот Флорентино Перез е уверен дека Камавинга во иднина ќе биде голема ѕвезда на светскиот фудбал и подготвен е да инвестира во него.
„Кралевите“ би го платиле трансферот на Камавинга на две рати, првата ова лето, а втората следното, кога Камавинга еќе ќе биде полнолетен и би пристигнал на „Сантијаго Бернабеу“.
Покрај Реал Мадрид, за талентираниот фудбалер на Рен се интересираа и Барселона и Борусија Дортмунд.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА