Шпанскиот прволигаш Реал Сосиедад го продолжи договорот со својот тренер Еузебио Сакристан до 2019 година. Првичната соработка требаше да истече на крајот од сезоната, но раководството е задоволно од работата на Сакристан и одлучи да го задржи и во наредните две сезони.
Овој стратег дојде на кормилото на Реал Сосиедад во ноември 2015 година кога го замени Дејвид Мојес, а успеа значително да го подигне квалитетот на тимот. Минатата сезона Реал Сосиедад ја заврши на деветтата позиција, а во моментов е на петтото место, со реални шанси да се бори дури и за пласман во Лигата на шампионите.
Еусебио Кристан во шпанските медиуми беше споменуван и како можен наследник на клупата на Барселона, со оглед дека во минатото го водеше Б-тимот на каталонскиот гигант, но Реал Сосиедад успеа да го обезбеди да остане во клубот и за наредните две сезони.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
