Великанот на германскиот фудбал, Шалке ја игра една од своите најлоши сезони во историјата. Тимот од Гелзекирхен се наоѓа на дното на Бундеслигата без победа, со четири нерешени средби и девет порази, а притоа „рударите“ имаат примено 36 гола, а постигнато само осум.
Промени на „Велтинс Арената“ се повеќе од потребни, а решението за спас на сезоната германскиот состав го гледа во белгискиот напаѓач од редовите на Ливерпул, Дивок Ориги. „Талисманот“ на Клоп бележи скромна минутажа оваа сезона и неговото заминување од „Етихад“ е се поизвесно.
Англискиот состав ќе го искористи 25-годишниот напаѓач како адут во размена за турскиот дефанзивец Озан Кабак кој привлече големо внимание од европските великани. За неговиот потпис се заинтереснирани двата клуба од Манчестер, Милан и Рома па ќе биде интересно да видиме каде ќе заврши 20-годишниот Турчин.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА