Целокупното натпреварување во групата А од ракометната Супер-лига е ставено во мирување во следните 15 дена, откако екипата на КЛ7 утрово објави дека дури 16 членови на овој клуб се позитивни на Covid-19.
Скопскиот клуб во изминатите седум дена одигра два натпревари, против Охрид и против Радовиш, а со оглед на фактот дека симптомите се појавиле веднаш по понеделничкиот дуел со Радовиш, сега постои сериозна опасност за позитивни случаи и во овој клуб.
Поради ова, челниците на РФМ донесоа одлука во следните 15 дена да не се играат натпревари од оваа група, а по изминувањето на овој период повторно ќе биде организиран скрининг на сите екипи од групата А, пред продолжението на сезоната.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
