Долгодишниот капитен на Борусија Дортмунд, Марко Ројс донесе одлука која делуваше шокантно по навивачите на „милионерите“. Тој истакна дека нема повеќе да биде капитен на тимот, и дека таа улога ја препушта на некој друг фудбалер, притоа не објаснувајќи ги причините за ваквиот потег.
Ројс е дел од Борусија Дортмунд веќе 11 години, а минатата сезона за малку пропушти за првпат да го крене шампионскиот трофеј во Бундеслигата. Тој потекнува од школата на „милионерите“, а играше и за Борусија Менхенгладбах. Иако неколку пати имаше понуди од големите клубови, меѓу кои и Баерн Минхен, Ројс на крајот се реши да остане лојален кон својот матичен клуб.
„За мојата одлука ги информирав и челниците на клубот и тренерот Терзиќ кои ја прифатија без двоумење. Благодарам за поддршката во сите овие години, и му посакувам на новиот капитен уште поуспешни резултати“, рече Ројс во обраќањето.
Најсериозен кандидат да ја преземе капитенската лента е голманот Грегор Кобел, а во комбинација се уште и Емре Џан и Јулијан Бранд.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
